Fe fydd rhan o ffordd yr A487 ger Bangor ar gau am “gyfnod sylweddol” yn dilyn “gwrthdrawiad difrifol” fore Iau.

Cafodd Heddlu’r Gogledd eu galw i’r digwyddiad rhwng cylchfan Parc Menai a chyffordd Penrhosgarnedd ychydig wedi 7.00.

Yn ôl Traffig Cymru, fe fydd y ffordd ar gau am “gyfnod sylweddol o amser oherwydd difrifoldeb y digwyddiad.”

Mae traffig wedi ei ddargyfeirio tra bod y fford ar gau.

Inline Tweet: https://twitter.com/TraffigCymruG/status/1884865668656369883

Mae rhybudd i fodurwyr i gynllunio o flaen llaw a rhoi amser ychwanegol wrth deithio yn yr ardal.

Mae Newyddion S4C wedi gofyn i Heddlu Gogledd Cymru am ragor o fanylion am y gwrthdrawiad.

Llun: Google Maps