Mae cwest wedi dod i’r casgliad mai damwain oedd marwolaeth myfyriwr a gwympodd o ffenestr un o neuaddau preswyl Prifysgol Abertawe. 

Bu farw Matthew Gilbert, oedd yn wreiddiol o Solihull ac yn ei flwyddyn gyntaf o astudio’r gyfraith, yn 19 oed wedi’r digwyddiad y llynedd. 

Fe wnaeth Mr Gilbert farw o’i anafiadau dros wythnos ar ôl iddo ddisgyn o chweched llawr yr adeilad ar gampws Singleton y brifysgol yn ystod oriau mân 14 Ebrill 2024. 

Clywodd y cwest fod Mr Gilbert wedi cymryd nifer o gyffuriau gwahanol gyda’i ffrind cyn y digwyddiad, gan gynnwys canabis, madarch hyd a ketamine. 

Roedd yn hefyd wedi bod yn yfed alcohol. 

Roedd Mr Gilbert wedi treulio’r noson yn ystafell ei ffrind cyn ei farwolaeth. Cafodd ei weld yn gadael yr ystafell gan ymddwyn yn dreisgar ac achosi difrod i’r gegin yno. 

Fe ddringodd i fyny ffenest yn ddiweddarach a’i blygu nôl gan dorri rhwystrau oedd yn ei atal rhag agor yn llydan cyn iddo syrthio a dioddef anafiadau angheuol. 

Casglodd y crwner ei fod wedi marw’n ddamweiniol gan ddweud y byddai wedi drysu a ddim wedi sylweddoli ble’r oedd e cyn syrthio.