Mae'r Swyddfa Dywydd wedi cyhoeddi rhybudd melyn am wynt i rannau o Gymru ddydd Mawrth. 

Fe fydd y rhybudd am wyntoedd cryfion mewn grym o 15:00 tan 08:00 fore dydd Mercher. 

Mae posibilrwydd y gallai gwyntoedd cryfion achosi oedi ar y ffyrdd ac ar drafnidiaeth gyhoeddus. 

Mae’r Swyddfa Dywydd hefyd wedi rhybuddio fod perygl i ffyrdd a chymunedau arfordirol gael eu heffeithio gan donnau mawr. 

Mae'r rhybudd mewn grym ar gyfer y siroedd canlynol:

• Sir Gaerfyrddin
• Ceredigion
• Conwy
• Sir Ddinbych
• Sir y Fflint
• Gwynedd
• Ynys Môn
• Sir Benfro
• Powys
• Wrecsam