Mae’r heddlu wedi dweud eu bod yn cynnal ymchwiliad yn dilyn gwrthdrawiad rhwng cerbyd a mam a’i merch yn Abertawe. 

Fe gafodd y ddwy eu taro gan fan Peugeot ger Neuadd y Ddinas fore Mawrth. 

Dyn lleol 57 oed oedd yn gyrru’r cerbyd. 

Cafodd y gwasanaethau brys, gan gynnwys parafeddygon, wybod am y digwyddiad tua 08.50 y bore. 

Mae’r fenyw wedi dioddef mân anafiadau. Dyw’r ferch ddim wedi eu hanafu, meddai'r heddlu.