Mae teulu dyn 50 oed fu farw mewn gwrthdrawiad ffordd yn Rhondda Cynon Taf ddydd Iau wedi rhoi teyrnged iddo.

Bu farw Jason Maber o Donysguborau mewn gwrthdrawiad rhwng car a lori ar yr A473 yn Efail Isaf am 09:55 ddydd Iau.

Mewn teyrnged iddo, dywedodd ei deulu: “Roedd Jason yn cael ei garu gymaint gan y teulu i gyd. Roedd yn fab, brawd, ewythr, nai, ŵyr, tad a phartner cariadus.

“Rydyn ni i gyd mewn sioc o hyd ac nid ydym hyd yn oed wedi dechrau dod i delerau â'i golled.

“Rydyn ni eisoes yn gwybod y bydd yn gadael gwagle enfawr mewn cymaint o fywydau na ellir byth eu llenwi.

“Roedd Jason wrth ei fodd â'i gerddoriaeth yn enwedig Punk a bandiau amgen ac roedd yn ystyried ei hun yn amgylcheddwr.

“Roedd yn frwd dros ailgylchu, achub y blaned a hawliau anifeiliaid.

“Roedd yn berson mor garedig a oedd yn gofalu’n llawn amser am ei bartner ond hefyd yn rhoi cymaint i’r gymuned leol.

 “Rydym mor ddiolchgar i’r holl wasanaethau brys a geisiodd ei helpu yn y fan a’r lle ac unrhyw un arall a stopiodd i gynorthwyo.

“Mae’n dod â chysur inni wybod nad oedd ar ei ben ei hun”.

Dywedodd Heddlu De Cymru eu bod nhw’n dal i ymchwilio i'r gwrthdrawiad.

Llun: Teulu/Heddlu De Cymru