Mae Heddlu'r Gogledd wedi cyhoeddi diweddariad yn dilyn gwrthdrawiad erchyll rhwng car oedd yn tynnu carafán a lori ar ffordd yr A55 ddydd Mercher.

Fe ddangosodd lluniau camera traffig y car yn gwibio drwy'r awyr ar ôl taro cylchfan ar gyrion Llanfairfechan, cyn glanio yn ochr y lori.

Dywedodd yr heddlu nad oedd neb wedi eu hanafu'n ddifrifol yn ystod y digwyddiad, gyda'r sawl oedd yn y cerbydau'n dioddef man anafiadau'n unig.

Bu tagfeydd hir ar y ffordd i'r gorllewin am rai oriau, cyn iddi gael ei hail-agor yn ddiweddarach.

Inline Tweet: https://twitter.com/aaranlennox/status/1805976398340767987?ref_src=twsrc%5Etfw%7Ctwcamp%5Etweetembed%7Ctwterm%5E1805976398340767987%7Ctwgr%5Ef8cb299749a2b18247f449bf12cf801b31ce11fd%7Ctwcon%5Es1_&ref_url=https%3A%2F%2Fnewyddion.s4c.cymru%2Farticle%2F22124

Llun: Bryn Volts/Facebook