Jonathan Edwards AS yn dweud na fydd yn sefyll eto
Mae Aelod Seneddol Dwyrain Caerfyrddin a Dinefwr, Jonathan Edwards wedi cyhoeddi na fydd yn sefyll eto yn sedd newydd Caerfyrddin.
Mewn neges ar ei dudalen Facebook dywedodd ei fod yn “dymuno’r gorau i’w olynydd” yn y sedd ac nad oedd “yn gallu disgwyl i fod adref lle’r ydw i’n perthyn”.
“Ers i’r Etholiad Cyffredinol gael ei alw'r wythnos diwethaf, rwyf wedi cymryd yr amser i ystyried a fyddaf yn rhoi fy enw gerbron," meddai.
“Hoffwn ddiolch i bawb sydd wedi bod mewn cysylltiad i’m hannog i wneud hynny, fodd bynnag, ar ôl myfyrio’n ddwfn, rwyf wedi penderfynu ei bod yn bryd imi roi’r gorau i San Steffan.”
Yr ymgeisywr yn yr etholaeth ar hyn o bryd yw Ann Davies (Plaid Cymru), Simon Hart (y Ceidwadwyr), Martha O'Neil (Y Blaid Lafur), Nicholas Paul Beckett (Democratiaid Rhyddfrydol), Bernard Holton (Reform), a Will Beasley (y Blaid Werdd).
'Maddeuant'
Mae etholaeth Dwyrain Caerfyrddin a Dinefwr wedi ei chynrychioli gan Mr Edwards ers 2010, ond roedd yn eistedd fel aelod annibynnol ar Ă´l iddo adael Plaid Cymru.
Cafodd ei wahardd o'r blaid ar Ă´l iddo ymosod ar ei wraig ym mis Mai 2020. Penderfynodd gamu yn Ă´l o'r blaid ym mis Awst 2022 ar Ă´l i'r arweinydd ar y pryd, Adam Price, alw arno i roi'r gorau i fod yn Aelod Seneddol.
Yn ei ddatganiad dywedodd Jonathan Edwards nad oedd am sefyll eto yn y sedd "ar sail dial" ac y byddai ei dad "a roddodd ei fywyd i Blaid Cymru" ac a fu farw dwy flynedd yn Ă´l yn "annog maddeuant yn lle hynny".
Mae'n ymuno â saith aelod seneddol arall yng Nghymru sydd ddim yn sefyll eto.
Mae Kevin Brennan (Llafur, Gorllewin Caerdydd) Wayne David (Llafur, Caerffili), David Jones (Ceidwadwyr, Gorllewin Clwyd), Christina Rees, (Llafur, Castell-nedd), Dr Jamie Wallis (Ceidwadwyr, Pen-y-bont), a Hywel Williams (Plaid Cymru, Arfon) hefyd wedi dweud eu bod yn camu o'r neilltu.
Bydd Beth Winter (Llafur, Cwm Cynon) hefyd yn gadael ar Ă´l peidio a chael ei dewis i sefyll.