Heddlu'n ymchwilio i fideo o ddynion yn aflonyddu Chris Whitty
Mae'r heddlu'n ymchwilio wedi i fideo gael ei rannu ar y cyfryngau cymdeithasol sy'n dangos Prif Swyddog Meddygol Lloegr, Yr Athro Chris Whitty, yn cael ei aflonyddu gan ddau ddyn.
Yn y fideo, mae'r dynion yn rhoi eu breichiau am yr ymgynghorydd meddygol ac yn siantio "oi oi" ac "un llun os gwelwch yn dda".
Mae faniau heddlu i'w gweld yn y cefndir, gyda llais ar ddiwedd y fideo yn dweud "Gadwch y dyn hwn i fod", yn ôl Sky News.
Mae nifer o bobl wedi beirniadu'r hyn sydd i'w weld yn y fideo, gyda rhai yn galw am well amddiffyniad o wyddonwyr sy'n cynghori'r llywodraeth yn ystod y pandemig.
Cadarnhaodd Heddlu'r Met eu bod yn ymwybodol o'r digwyddiad a'u bod yn parhau i ymchwilio.
Darllenwch y stori'n llawn yma.
Llun: Sky News