Mae llosgfynydd wedi ffrwydro unwaith eto ar benrhyn Reykjanes yn ne-orllewin Gwlad yr Iâ.

Mae stad o argyfwng wedi ei gyhoeddi yn y rhanbarth.

Daw hyn yn dilyn ffrwydrad ym mis Rhagfyr ar ôl wythnosau o ddaeargrynfeydd dwys yn yr ardal.

Yn ôl adroddiadau dyma’r ffrwydrad mwyaf pwerus ac mae lafa wedi cyrraedd amddiffynfeydd ar gyrion dwyreiniol tref Grindavik.

Mae pobl wedi eu symud o ardal y Blue Lagoon, un o atynfeydd twristiaeth fwyaf poblogaidd y wlad.

Yn ôl gwasanaeth amddiffyn sifil y wlad fe ddechreuodd y ffrwydrad yn hwyr nos Sadwrn i’r gogledd o Grindavik.

Mae’n agos iawn i’r man lle bu’r ffrwydrad ar 8 Rhagfyr.

Nid yw’r maes awyr rhyngwladol, sydd i’r gogledd orllewin o Grindavik wedi ei effeithio ar hyn o bryd.

Llun: Wochit