Mae’r cerddor Karl Wallinger, oedd yn aelod o'r grwpiau The Waterboys a World Party, wedi marw yn 66 oed.

Bu farw’r Cymro, o Brestatyn yn Sir Ddinbych, ddydd Sul.

Sefydlodd Wallinger ei grŵp World Party yn 1986 yn fuan wedi iddo adael y grŵp roc, The Waterboys.

Yn ystod ei gyfnod gyda World Party, fe gafodd lwyddiant gyda sawl albwm gan gynnwys Private Revolution a Egyptology.

Fe ddaeth un o’u caneuon i frig y siartiau flynyddoedd yn ddiweddarach, wedi i Robbie Williams ail-recordio’r gân ‘She’s The One’ yn 1999.

Yn gerddor profiadol, mi oedd Wallinger hefyd wedi cydweithio gyda’r seren Wyddelig, Sinead O’Connor.

Wrth roi teyrnged iddo ar y cyfryngau cymdeithasol ddydd Llun, dywedodd Curt Smith o’r grŵp Tears For Fears: “Newyddion trist iawn, roeddwn i’n ffan mawr o Karl.”

Fe gafodd Karl Wallinger ddiagnosis o ymlediad (aneurysm) ar yr ymennydd yn 2001.

Mae’n gadael ei wraig Suzie Zamit, yn ogystal â dau o blant a dau o wyrion.