Fe dynnodd y chwaraewr dartiau Gerwyn Price allan o gystadleuaeth Pencampwriaeth y Chwaraewyr ddydd Llun gan feio'r "amodau amatur" yno. 

Penderfynodd y Cymro roi'r gorau iddi hanner ffordd trwy'r gêm yn erbyn Brendan Dolan yn ystod rownd yr 16 olaf.

Gadawodd Price heb nodi'r rhesymau ar y pryd, ac ysgrifennodd ar y cyfryngau cymdeithasol yn ddiweddarach bod yr amodau yn "hollol warthus" yn ystod y gystadleuaeth yn Wigan.

Dywedodd trrefnwyr pencampwriaeth y PDC: “Rydym yn deall ei fod [Price] yn teimlo bod y lleoliad yn oer.”

Ysgrifennodd Price hefyd ar ei gyfrif Instagram: “Teithio yr holl ffordd i Wigan i chwarae mewn gêm broffesiynol ac mae’n rhaid i ni chwarae mewn amodau amatur.

"Dydw i erioed wedi ildio yn ystod gêm.

"Wedi siomi oherwydd roeddwn yn chwarae yn dda iawn heddiw ac rwy'n dibynnu cymaint ar y digwyddiadau yma."

Ychwanegodd na fydd yn chwarae yn y gystadleuaeth yfory chwaith.

Mae disgwyl iddo chwarae nesaf yn yr Uwch Gynghrair yn Glasgow ddydd Iau.