Ydych chi'n cofio pan wnaeth Eden Hazard roi cic i 'ball boy' CPD Abertawe?

Bellach mae'r bachgen hwnnw, Charlie Morgan yn un filiwnydd ac yn un o berchnogion cwmni AU Vodka, a mae e a Hazard wedi cwrdd am y tro cyntaf ers y digwyddiad 11 mlynedd yn ôl.

Roedd Chelsea yn colli i Abertawe yn rownd gyn-derfynol Cwpan y Gynghrair, ac wrth geisio cael y bêl oddi ar Charlie Morgan a oedd yn gorwedd ar lawr, fe roddodd Hazard gic iddo.

Derbyniodd Hazard garden goch ac fe aeth Abertawe ymlaen i ennill y gêm a'r gystadleuaeth.

11 mlynedd ers y diwrnod yn union bron, mae'r ddau wedi rhannu llun ohonyn nhw'n gwenu yn siriol ar gyfrifon cymdeithasol AU Vodka ac Eden Hazard.

Inline Tweet: https://twitter.com/hazardeden10/status/1750205183898816763

Dywedodd Hazard, sydd wedi ennill tlysau wrth chwarae yn Ffrainc, Sbaen a Lloegr, ei fod yn "braf cwrdd â hen ffrindiau" ers iddo ymddeol.

Ychwanegodd fod Charlie Morgan wedi dod yn bell yn ei yrfa ers y digwyddiad yn Stadiwm Swansea.com yn 2013.

Ar ei gyfrif Instagram, dywedodd Charlie Morgan: "Aduno â hen ffrind."

Llun: Eden Hazard / Asiantaeth Huw Evans