Mae'r Swyddfa Dywydd wedi cyhoeddi rhybudd melyn am wyntoedd a fydd o bosib yn "gryf iawn" i rannau o Gymru wrth i Storm Debi gyrraedd ddydd Llun.

Daeth y rhybudd i rym am 04:00 a bydd yn dod i ben am 18:00 ddydd Llun.

Mae posibilrwydd y gallai tai a busnesau brofi llifogydd, gan achosi difrod i rai adeiladau. 

Inline Tweet: https://twitter.com/caierith/status/1723997763774373998

Gall oedi fod yn debygol ar gyfer gwasanaethau trên a bws, gyda disgwyl i deithiau gymryd mwy o amser. 

Mae'r rhybudd yn effeithio ar y siroedd canlynol:

• Ceredigion
• Conwy
• Gwynedd
• Powys
• Sir Benfro
• Sir Ddinbych
• Sir Gaerfyrddin
• Sir y Fflint
• Wrecsam
• Ynys Môn

Inline Tweet: https://twitter.com/TraffigCymruG/status/1723643102739468650?ref_src=twsrc%5Etfw%7Ctwcamp%5Etweetembed%7Ctwterm%5E1723643102739468650%7Ctwgr%5Efdba80419f4510bf505c791fb1214c6c8290248f%7Ctwcon%5Es1_&ref_url=https%3A%2F%2Fnewyddion.s4c.cymru%2Farticle%2F176

Dywedodd llefarydd ar ran y Swyddfa Dywydd fod yna "rywfaint o ansicrwydd o hyd ynghylch union lwybr a dyfnder" y storm.

"Mae siawns y bydd gwyntoedd gorllewinol cryf iawn yn datblygu ar hyd arfordiroedd Môr Iwerddon yng Nghymru a gogledd-orllewin Lloegr fore Llun," medden nhw.

"Mae yna bosibilrwydd y bydd hyrddiau 60-65 mya ar y tir a 70-80 mya o amgylch yr arfordiroedd, a thros dir uwch." 

Mae ysgolion mewn rhannau o Iwerddon wedi cael cais i gau wrth i asiantaeth feteorolegol Iwerddon rybuddio am “berygl posib i fywyd” gan Storm Debi.