Mae’r Cymro Elfyn Evans wedi gorffen yn yr ail safle ar ddiwedd Rali'r Acropolis yng Ngroeg.

Roedd Evans yn bedwerydd ar ôl pum cymal ddydd Gwener.

Fe gollodd ychydig o dir gan gwympo i’r pumed safle ar ôl dod yn 14eg ar y nawfed cymal, sef trydydd cymal ddydd Sadwrn.

Ond bu’n rhaid i arweinydd y rali, Thierry Neuville, roi’r gorau iddi ar gymal deg ar ôl difrodi olwyn flaen a hongiad ei gar.

Fe roddodd hyn hwb i obeithion Evans wrth iddo ddringo i’r pedwerydd safle ac yna i’r trydydd safle erbyn diwedd dydd Sadwrn.

Fe ddechreuodd Evans yn dda gan ennill y cymal cyntaf o dri dydd Sul gan gipio’r ail safle o ddwylo’r Sbaenwr Daniel Sordo.

Kalle Rovanperä o’r Ffindir enillodd y rali gyda Sordo yn drydydd.

AIL YN ACROPOLIS 🥈🇬🇷🏴󠁧󠁢󠁷󠁬󠁳󠁿
Llongyfarchiadau @ElfynEvans & @scottmartinat 💪
A fantastic result for Elfyn & Scott after a challenging rally! The championship battle is still alive 🏆

Llongyfarchiadau i @KalleRovanpera & @JonneHalttunen ar ennill y rali 👏#AcropolisRally #WRC #EE33 pic.twitter.com/vis5IgiwKP

— Ralïo+ (@RalioS4C) September 10, 2023

Llun: X/Elfyn Evans