Y gantores Sinéad O’Connor wedi marw'n 56 oed
Mae'r gantores Wyddelig Sinéad O’Connor wedi marw'n 56 oed.
Fe ddaeth i amlygrwydd byd-eang yn 1990 gyda'i chân 'Nothing Compares 2 U', oedd wedi ei chyfansoddi gan yr artist Prince.
Fe newidiodd ei henw i Shuhada' Sadaqat yn 2018 ar ôl troi at Islam.
Mewn datganiad, dywedodd teulu’r gantores nos Fercher: “Gyda thristwch mawr rydyn ni’n cyhoeddi marwolaeth ein hannwyl Sinéad.
"Mae ei theulu a’i ffrindiau wedi gofyn am breifatrwydd ar yr amser anodd iawn yma.”
Rhyddhaodd y gantores o Ddulyn 10 albwm stiwdio, a chafodd ei chân 'Nothing Compares 2 U' ei henwi yn brif sengl y byd yn 1990 gan wobrau'r Billboard Music Awards.
Cyflwynwyd y wobr gyntaf am yr Albwm Wyddelig Glasurol i Ms O’Connor yng Ngwobrau Cerddoriaeth RTÉ yn gynharach eleni.
Roedd hi'n ymgyrchydd brwd dros nifer o achosion oedd yn agos i'w chalon, ac roedd hefyd yn feirniad hallt dros y blynyddoedd o'r Eglwys Gatholig am ei hymdriniaeth o blant oedd yn ei gofal.
Daeth i sylw byd-eang am rwygo llun o'r Pab John Paul yr Ail yn 1992 ar raglen deledu Saturday Night Live.
Really sorry to hear of the passing of Sinéad O’Connor.
— Leo Varadkar (@LeoVaradkar) July 26, 2023
Her music was loved around the world and her talent was unmatched and beyond compare.
Condolences to her family, her friends and all who loved her music.
Ar dheis Dé go Raibh a hAnam. https://t.co/JVHxz7Kv2Z
Mae arweinydd Iwerddon, y Taoiseach Leo Varadkar, wedi rhoi teyrnged i Ms O’Connor gan ddweud: “Roedd ei cherddoriaeth yn cael ei garu ledled y byd ac roedd ei thalent yn ddigymar a thu hwnt i’w gymharu.”
'degawdau cyn ei hamser'
Dywedodd y digrifwr Gwyddelig Dara O'Briain am ei marwolaeth: "Dyna newyddion trist iawn. Gobeithio iddi sylweddoli cymaint o gariad oedd tuag ati."
Disgrifiodd yr awdur Gwyddelig Marian Keyes farwolaeth O'Connor fel un "torcalonnus".
Mewn neges ar y cyfryngau cymdeithasol dywedodd y newyddiadurwr Caitlin Moran: "Roedd hi ddegawdau cyn ei hamser, ac yn ddi-ofn. Gorffwysa mewn grym, frenhines."
Sinead: and she was the first to talk about abuse in the Catholic church - tearing up the picture of the Pope on TV - but 99% of the music industry hung her out to dry. She was decades before her time, and fearless. Rest in power, queen.
— Caitlin Moran (@caitlinmoran) July 26, 2023
Ychwanegodd y cyfarwyddwr ffilm Mark Cousins: "Sinead Ochainir oedd ein hochr wyllt Wyddelig. Rhan mor fawr o'n bywydau dychmygol."
Roedd Ms O’Connor wedi dioddef cyfnodau o anhwylderau iechyd corfforol a meddyliol yn ystod ei bywyd.
Roedd hi'n fam i dri o blant.
Bu farw ei mab Shane yn 17 oed ym mis Ionawr y llynedd.