Mae prif hyfforddwr pêl-droed Cymru, Rob Page, wedi dweud ei fod yn "teimlo ein bod wedi gadael ein cefnogwyr i lawr".

Wrth siarad ar raglen Sgorio ar S4C, roedd Page yn adlewyrchu ar siwrnai Cymru yng Nghwpan y Byd 2022 - eu cyntaf ers 64 o flynyddoedd.

"Roedd yn anodd, dwi ddim am ddweud celwydd," meddai.

"Oherwydd gyda'r holl gynyddu momentwm, Neuadd Les Pendyrys, oedd yn sicr y peth iawn i'w wneud.  Yma o Hyd.  Roeddwn i'n meddwl, na wnaethon ni gwrdd â'r holl ddisgwyliad. 

"Dwi'n teimlo fel y gwnaethom adael y cefnogwyr i lawr os dwi'n bod yn onest.  Roedd hynny'n eithaf anodd ei gymryd."

“I felt we let the supporters down if I’m being honest"

Rob Page sy'n trafod ei deimladau ar ôl Cwpan y Byd 2022 🎙️🏴󠁧󠁢󠁷󠁬󠁳󠁿

Cyfweliad arbennig gyda rheolwr Cymru: https://t.co/obVdgWIW9T

— Sgorio ⚽️ (@sgorio) January 24, 2023

Ond mae Rob Page o'r farn bod angen canolbwyntio ar y dyfodol wrth symud ymlaen.

"Fel dwedais i, dyna bêl-droed, dyna fywyd.  Mae'n rhaid i chi dorchi llewys a bwrw 'mlaen a sicrhau nad ydyn ni'n gadael i hynny ddigwydd eto am ba bynnag rheswm.

"Fel dwedais i, yn erbyn yr UDA, oedd y cyfle i chwarae yng Nghwpan y Byd ychydig yn frawychus a gormod i rai o'r chwaraewyr.  Dwi ddim yn gwybod.  Efallai ei fod yn ffactor, ond rydym wedi ymateb i hynny a gwnawn ni'n siŵr nad yw'n digwydd eto."

Mae Gareth Bale, capten Cymru, wedi cyhoeddi ei ymddeoliad o bêl-droed proffesiynol yn dilyn Cwpan y Byd, sy'n golygu y bydd angen capten newydd ar Gymru.

Bydd gorwelion y garfan a Rob Page nawr yn troi at gemau mis Mawrth er mwyn ceisio cyrraedd Euro 2024.