Newyddion S4C

Joe Biden

Rhagor o ddogfennau cyfrinachol yn cael eu canfod yn nhŷ Joe Biden

NS4C 22/01/2023

Mae Adran Gyfiawnder yr UDA wedi canfod chwech yn rhagor o ddogfennau cyfrinachol yng nghartref yr Arlywydd Joe Biden yn nhalaith Delaware.

Mae rhai o’r dogfennau yn ymwneud a’i gyfnod fel seneddwr ac eraill pan oedd yn is-arlywydd i Barack Obama.

Dywedodd ei gyfreithiwr fod “nodiadau ysgrifenedig personol” a “deunydd eraill” yno.

Nid oedd Arlywydd Biden na’i wraig yn bresennol ac mae Mr Biden wedi rhoi mynediad i’w gartref i’r adran gyfiawnder.

Ym mis Tachwedd y llynedd cafodd dogfennau cyfrinachol eu darganfod yn y Penn Biden Center, melin drafod a sefydlwyd gan yr Arlywydd Biden yn Washington DC.

Mae’r cyn-arlywydd Donald Trump yn wynebu ymchwiliad troseddol ar sail honiadau o gamddefnyddio dogfennau cyfrinachol.

Llun: lovePROPERTY
 

This website uses cookies to ensure you get the best experience on our website.