Iran 'wedi dienyddio' y dinesydd Prydeinig-Iranaidd Alireza Akbari
Mae cyfryngau Iran yn adrodd fod awdurdodau'r wlad wedi dienyddio'r dinesydd Prydeinig-Iranaidd Alireza Akbari.
Mae’r Prif Weinidog Rishi Sunak wedi dweud bod dienyddio Mr Akbari yn “weithred ddideimlad a llwfr, wedi’i chyflawni gan gyfundrefn farbaraidd”.
Mewn datganiad gan Asiantaeth Newyddion Myfyrwyr Iran ddydd Sadwrn, dywedodd llefarydd fod Mr Akbari wedi ei ddienyddio, a hynny "ar gyhuddiadau o lygredd yn y wlad a gweithredu eang yn erbyn diogelwch mewnol ac allanol y wlad trwy ysbïo ar ran Llywodraeth Prydain.”
I am appalled by the execution of British-Iranian citizen Alireza Akbari in Iran.
— Rishi Sunak (@RishiSunak) January 14, 2023
This was a callous and cowardly act, carried out by a barbaric regime with no respect for the human rights of their own people. My thoughts are with Alireza’s friends and family.
Roedd Mr Akbari yn gyn-ddirprwy weinidog amddiffyn Iran a gafodd ei arestio yn 2019 a’i gyhuddo o ysbïo ar gyfer MI6.
Roedd yr awdurdodau'n honni fod yr ysbïo yn ymwneud â thrafodaethau niwclear yn y gorffennol rhwng Iran a gwledydd y gorllewin, yn ôl adroddiadau.
#BREAKING: Iran state broadcaster just reported that British dual national Alireza Akbari has been executed over charges of "spying" for the UK. Akbari had served as a deputy defence minister under Ali Shamkhani, the current secretary of Iran Supreme National Security Council. pic.twitter.com/yrAoDaABOd
— Khosro Kalbasi Isfahani (@KhosroKalbasi) January 14, 2023
Gwadodd y cyhuddiad a dywedodd iddo gael ei arteithio a'i orfodi i gyffesu ar gamera i droseddau nad oedd yn gyfrifol amdanyn nhw, yn ôl gwasanaeth BBC Persian.
Roedd yr Ysgrifennydd Tramor, Mr Cleverly wedi rhybuddio Tehran fod Llundain yn gwylio’r achos yn “agos”.
Fe gyhoeddodd neges am yr achos ar Twitter ddydd Gwener, gan ddweud: “Ni ddylai cyfundrefn Iran fod mewn unrhyw amheuaeth. Rydym yn gwylio achos Alireza Akbari yn agos.
“Rhaid i Iran beidio parhau â’u bygythiad creulon o ddienyddio.”