Newyddion S4C

Marwolaeth Birmingham

Cyhuddo trydydd person o lofruddio dyn mewn clwb nos yn Birmingham

NS4C 13/01/2023

Mae trydydd dyn wedi cael ei gyhuddo o lofruddio dyn mewn clwb nos yn Birmingham.

Bu farw Cody Fisher ar ôl iddo gael ei drywanu yng nghlwb Crane yn y ddinas ychydig cyn 23:45 ar Ŵyl San Steffan.

Fe wnaeth Reegan Anderson, 18, ymddangos o flaen Llys Ynadon Birmingham ddydd Gwener ar ôl cael ei arestio gan Heddlu Gorllewin Canolbarth Lloegr. 

Bydd yn parhau yn y ddalfa nes y bydd yn ymddangos o flaen Llys y Goron Birmingham ddydd Llun.

Mae Kami Carpenter, 21, a Remy Gordon, 22, eisoes wedi eu cyhuddo o lofruddio Mr Fisher, tra bod un arall wedi cael ei ryddhau ar fechnïaeth.

Byddant yn sefyll eu prawf ym mis Gorffennaf.

This website uses cookies to ensure you get the best experience on our website.