Newyddion S4C

Glaw trwm

Rhybudd melyn am law i rannau o Gymru

NS4C 31/12/2022

Mae'r Swyddfa Dywydd wedi cyhoeddi rhybudd melyn am law i rannau o Gymru ar gyfer dydd Sadwrn.

Fe ddaeth y rhybudd i rym am hanner nos nos Wener ac mae'n para hyd at 21:00 nos Galan.

Mae'r rhybudd yn effeithio ar 14 sir yng Nghymru.

Mae disgwyl cyfnodau trwm o law trwy gydol dydd Sadwrn, gyda rhai ardaloedd yn gweld 10mm o law o fewn awr.

Gyda'r tir eisoes yn wlyb, fe all y glaw trwm achosi llifogydd mewn mannau gan achosi difrod i rai cartrefi a busnesau.

Mae'r Swyddfa Dywydd hefyd yn rhybuddio fe all y glaw effeithio ar amodau gyrru ac achosi oed i drafnidiaeth gyhoeddus.

Mae'r rhybudd yn effeithio ar y siroedd canlynol:

  • Abertawe 
  • Blaenau Gwent 
  • Bro Morgannwg 
  • Caerdydd
  • Caerffili
  • Casnewydd 
  • Merthyr Tudful 
  • Pen-y-bont ar Ogwr
  • Port Talbot Castell-nedd
  • Powys 
  • Rhondda Cynon Taf
  • Sir Fynwy 
  • Sir Gaerfyrddin 
  • Torfaen

This website uses cookies to ensure you get the best experience on our website.