Fe fydd y Prif Weinidog Rishi Sunak yn mynychu cynhadledd hinsawdd COP27 yn Yr Aifft yn dilyn amheuon na fyddai'n mynd. 

Roedd Rhif 10 Downing Street wedi datgan yn gynharach na fyddai Mr Sunak yn mynd gan ei fod yn rhy brysur yn paratoi ar gyfer y datganiad ariannol ar 17 Tachwedd. 

There is no long-term prosperity without action on climate change.

There is no energy security without investing in renewables.

That is why I will attend @COP27P next week: to deliver on Glasgow's legacy of building a secure and sustainable future.

— Rishi Sunak (@RishiSunak) November 2, 2022

Mewn datganiad ar y cyfryngau cymdeithasol ddydd Mercher, dywedodd y Prif Weinidog: "Nad oes ffyniant hir-dymor heb weithredu ar newid hinsawdd."

Ddydd Mawrth, fe wnaeth cyn brif weinidog y DU, Boris Johnson, gadarnhau y byddai'n mynychu'r gynhadledd yn ogystal ag Arlywydd yr UDA, Joe Biden, ac Arlywydd Ffrainc, Emmanuel Macron. 

Wrth siarad yn Sesiwn Gwestiynau'r Prif Weinidog ddydd Mercher, dywedodd Mr Sunak nad oes yna "sicrwydd ynni heblaw ein bod yn buddsoddi mewn egni adnewyddadwy, a dyna pam y byddaf yn mynychu COP27 yr wythnos nesaf er mwyn gweithredu ar waddol y gynhadledd yn Glasgow er mwyn creu dyfodol diogel, glan a chynaliadwy."