Mae dynes wedi dioddef anafiadau difrifol yn dilyn gwrthdrawiad yn y Fflint nos Fercher. 

Fe ddigwyddodd y gwrthdrawiad rhwng y ddynes a char gwyn Nissan Note toc wedi 20.00 ar Stryd yr Iarll. 

Cafodd y cerddwr ei chludo i Ysbyty Glan Clwyd gan y gwasanaethau brys wedi iddi ddioddef anafiadau difrifol. 

Mae Heddlu’r Gogledd bellach yn apelio am unrhyw lygad dystion neu unigolion a oedd yn yr ardal adeg y gwrthdrawiad i gysylltu ar unwaith. 

Maent yn hefyd annog unrhyw un sydd â delweddau dashcam a CCTV i gysylltu, hynny drwy ddyfynnu’r cyfeirnod 26000136852.