Mae gyrrwr beic modur mewn cyflwr difrifol ond sefydlog wedi gwrthdrawiad yn Niwgwl, Sir Benfro brynhawn Llun.  

Cafodd Heddlu Dyfed-Powys eu galw i'r gwrthdrawiad rhwng y beic modur a thractor ar ffordd yr A487 tua 17:20, a chafodd y ffordd ei chau tan fore Mawrth.

Cafodd gyrrwr y beic modur ei gludo i'r ysbyty mewn ambiwlans awyr a'r gred yw fod ei anafiadau yn rhai all beryglu bywyd. 

Yn ôl y llu, chafodd gyrrwr y tractor ddim ei anafu.   

Mae Heddlu Dyfed -Powys yn apelio ar unrhyw un a oedd yn teithio ar yr A487 rhwng Hwlffordd a Niwgwl yn hwyr brynhawn Llun i gysylltu â nhw. 

Mae swyddogion yn awyddus i siarad â modurwyr a oedd yn yr ardal ar y pryd, sydd â chamera yn eu cerbydau.