Mae Gwasanaeth Tân ac Achub De Cymru yn parhau i ymateb i dân ym Mhontllanfraith yn Sir Caerffili.

Dywedodd y gwasanaeth tân mewn datganiad nos Lun fod nifer o offer a cherbydau brys yn bresennol ar Stryd Commercial yn y pentref, a'u bod yn gofyn i aelodau o'r cyhoedd i osgoi'r ardal.

Fe fydd hyn yn sicrhau fod y criw yn gallu parhau i weithio yn ddiogel a chaniatáu llwybrau argyfwng i aros yn glir, medden nhw.

Ychwanegodd y gwasanaeth tân eu bod yn cynghori trigolion lleol i gadw ffenestri a drysau ar gau yn sgil y swm mawr o fwg yn yr ardal. 

Llun: James Wilkins.