Mae cysylltiad Cymreig i fuddugoliaeth Arsenal wedi iddyn nhw ennill Uwch Gynghrair Lloegr. 

Fe ddechreuodd rheolwr y tîm ei yrfa hyfforddi gyda Chymdeithas Bêl Droed Cymru mwy na degawd yn ôl.

Mikel Arteta yw'r hyfforddwr cyntaf i fynd trwy system hyfforddi'r Gymdeithas i ennill Uwch Gynghrair Lloegr.

Fe wnaeth Arsenal hynny am y tro cyntaf ers 22 o flynyddoedd.

Roedd cefnogwyr wedi casglu tu allan i stadiwm Emirates a thafarndai cyfagos er mwyn disgwyl i weld beth fyddai canlyniad y gêm yn erbyn Manchester City a Bournemouth.

Roedd angen i Manchester City ennill er mwyn cadw ei gobeithion yn fyw.

Ond gêm gyfartal oedd hi 1-1. Roedd hynny yn golygu mai Arsenal oedd yn sicrhau'r bencampwriaeth.

Dyma yw seithfed flwyddyn Arteta wrth y llyw ac yn ôl rhai mae'n profi'r hyn all ddigwydd os yw hyfforddwr yn cael amser gyda'i dîm.

Nawr mae gobeithion y cefnogwyr yn troi at y gêm yn erbyn Paris St-Germain ar ddiwedd y mis. Os byddan nhw yn ennill y gêm honno byddant wedi gwneud y dwbl ac ennill Cynghrair y Pencampwyr yn ogystal. 

Llun:Reuters