Mae’r heddlu yn ymchwilio yn dilyn ymosodiad honedig gan chwaraewr rygbi ar ddyfarnwr mewn gêm rygbi yn Nhorfaen fis diwethaf.

Cafodd Heddlu Gwent eu galw i Glwb Rygbi Abersychan am tua 15:25 ddydd Sadwrn 24 Hydref, yn dilyn adroddiad o ymosodiad ar ddyfarnwr yng nghanol gêm rhwng Abersychan ac Old Tyleran.

Nid oedd angen triniaeth feddygol ar y dyfarnwr wedi’r digwyddiad.

Mae ymholiadau’n parhau i geisio canfod amgylchiadau’r digwyddiad.

Mae’r llu yn apelio am wybodaeth gan unrhyw dystion oedd yn y lleoliad yn ystod y gêm, i rannu gwybodaeth â nhw.

Gall unrhyw un sydd â gwybodaeth gysylltu â’r llu drwy ffonio 101 neu ar wefan neu gyfrifon cyfryngau cymdeithasol Heddlu Gwent, drwy ddyfynnu’r cyfeirnod 2600349185.