Mae trigolion wedi dychwelyd adref tri diwrnod ar ôl tân ar drydydd llawr tŷ teras yng Nghydweli.

Cafodd criwiau Gwasanaeth Tân ac Achub Canolbarth a Gorllewin Cymru eu galw tua 04:20 fore Mawrth yn dilyn adroddiad o dân ar Stryd y Foneddiges yn y dref.

Ar hyn o bryd mae'r tân yn cael ei drin fel un anesboniadwy, ac mae'r ffordd yn parhau ar gau tra bod gwaith yn cael ei wneud ar y ffordd.

Dywedodd Heddlu Dyfed Powys bod trigolion y stryd wedi dychwelyd i'w tai nos Wener.

Aeth criwiau o orsafoedd tân Cydweli, Pont-iets, Llanelli, Treforys, Y Tymbl, Caerfyrddin a Phort Talbot i'r digwyddiad.

Mae'r heddlu yn diolch i drigolion a'r gymuned ehangach am eu hamynedd tra'u bod nhw'n cynnal ymholiadau.

Ychwanegodd y llu eu bod yn parhau i ymchwilio i'r tân a bod unrhyw un sydd â gwybodaeth neu luniau cylch cyfyng rhwng 23:00 ar 23 Mawrth a 04:00 fore 24 Mawrth i gysylltu gyda'r heddlu trwy eu gwefan neu dwy ffonio 101 a dyfynnu'r cyfeirnod 027 ar 24/3.