Mae’r heddlu sy’n ymchwilio i ddyn sydd ar goll wedi arestio dyn arall ar amheuaeth o rwystro claddedigaeth gyfreithlon.

Cafodd Ricky Harris ei weld ddiwethaf ar deledu cylch cyfyng tua 14.20 ar 18 Tachwedd 2023, ym Maes-y-Deri, Aberdâr.

Dywedodd yr heddlu eu bod nhw wedi arestio dyn 41 oed o Aberpennar ar amheuaeth o rwystro claddedigaeth gyfreithlon a hefyd gwyrdroi cwrs cyfiawnder mewn cysylltiad â’r diflaniad.

Mae’n parhau yn nalfa’r heddlu ac mae’r ymchwiliad yn parhau.

Mae swyddogion yn chwilio safle diwydiannol y Phurnacite yn Abercwmboi, medden nhw.

Mae teulu Ricky wedi cael y wybodaeth ddiweddaraf ac maen nhw’n parhau i gael cefnogaeth gan Heddlu De Cymru, medden nhw.

“Rydyn ni’n disgwyl y bydd [y gwaith chwilio] yn cymryd peth amser i’w gwblhau, ond rydyn ni’n gwneud ein gorau i gyfyngu ar unrhyw darfu ar y rheiny sy’n defnyddio’r mannau cyhoeddus,” medden nhw.

“Rydyn ni’n gofyn i unrhyw un a allai fod wedi gweld Ricky neu siarad ag ef yn y dyddiau neu’r wythnosau cyn ei ddiflaniad, neu unrhyw un sydd ag unrhyw wybodaeth arall am ei leoliad, i gysylltu â Heddlu De Cymru. 

“Fe allai’ch gwybodaeth chi wneud gwahaniaeth mawr yn yr ymchwiliad parhaus hwn.”

Cysylltwch â’r heddlu gan ddyfynnu rhif digwyddiad 2300394323.