Mae gyrrwr beic modur 56 oed wedi marw mewn gwrthdrawiad ym Magillt, Sir y Fflint.

Dywedodd Heddlu Gogledd Cymru fod y gwasanaethau brys wedi cael eu galw i'r gwrthdrawiad ar ffordd yr A548 tua 16:40 ddydd Llun.

Er gwaethaf eu hymdrechion, bu farw'r dyn 56 oed yn y fan a'r lle.

Roedd gyrrwr y beic modur yn teithio i gyfeiriad y gorllewin pan ddigwyddodd y gwrthdrawiad.

Nid oedd unrhyw gerbydau eraill yn rhan o'r digwyddiad.

Mae ymchwiliad yr heddlu yn parhau ac mae'r crwner wedi cael gwybod, meddai'r llu.

Dywedodd Natalie Edwards o uned gwrthdrawiadau difrifol Heddlu'r Gogledd: “Rwy’n rhannu fy nghydymdeimlad dwysaf â theulu’r dyn yn ystod yr amser anodd hwn.

"Byddaf yn annog unrhyw un a welodd y gwrthdrawiad, neu sydd â fideo dashcam cyn y gwrthdrawiad i gysylltu â ni cyn gynted â phosib."

Fe allai unrhyw un sydd â gwybodaeth gysylltu gyda'r heddlu drwy ffonio 101 neu ar eu gwefan, a dyfynnu'r cyfeirnod O177790.