Mae dau fachgen yn eu harddegau wedi cael eu harestio mewn cysylltiad â thân a gafodd ei gynnau’n fwriadol ar Fynydd Drumau yng Nghastell-nedd Port Talbot.

Roedd y tân sylweddol i’w weld mor bell i ffwrdd ag Abertawe nos Lun.

Roedd diffoddwyr tân o orsafoedd tân Castell-nedd, Pontardawe, Tre Rheinallt, Canol Abertawe, Port Talbot, Dyffryn Aman, Llanelli a Rhydaman wedi ymateb i’r digwyddiad.

Fe gafodd pobl yr ardal gyngor i gadw draw ac i beidio ag agor eu ffenestri.

Mae bachgen 15 oed o Fynachlog Nedd wedi cael ei arestio ar amheuaeth o geisio cynnau tân yn fwriadol gyda’r bwriad o beryglu bywyd.

Mae bachgen 17 oed o Sgiwen wedi cael ei arestio ar amheuaeth o gynnau tân yn fwriadol, gan fod yn ddi-hid ynghylch a fyddai bywyd yn cael ei beryglu, ac o achosi difrod troseddol i eiddo.

Mae’r ddau yn parhau yn nalfa’r heddlu.