Fe fydd gwasanaeth coffa er cof am Phil Bennett yn cael ei gynnal ym Mharc y Scarlets yn Llanelli ddydd Gwener.

Bydd y digwyddiad yn dechrau am 11:00 gyda drysau'n agor am 9:30 i bawb, gyda'r Scarlets yn gofyn i bobl wisgo unrhyw grys rygbi er cof amdano.

Bu farw Bennett ar ddydd Sul, 12 Mehefin yn 73 oed.

Mae'n cael ei gofio fel un o'r chwaraewyr rygbi gorau yn hanes Cymru.

Roedd y gŵr o Felin-foel yn rhan allweddol o fuddugoliaeth gofiadwy Llanelli o 9-3 dros Seland Newydd ym Mharc y Strade yn 1972.

Fe enillodd 29 o gapiau i Gymru, gan ymuno â'r Llewod yn ystod eu teithiau yn 1974 a 1977.

Ni fydd y gwasanaeth yn cael eu ffrydio ar-lein.

Phil Bennett: Funeral, Holy Trinity Church, #Felinfoel, Fri June 24.
Due to large numbers expected, parking arrangements made to try and ease expected traffic disruption in #Llanelli.
⚫ Main parking at Calsonic Sports & Social Club, Llethri Rd, SA14 8HU
⬇️ pic.twitter.com/8RkTThKx2R

— Heddlu Dyfed-Powys Police (@DyfedPowys) June 23, 2022

Bydd yr angladd yn dilyn y gwasanaeth yn Eglwys y Drindod Sanctaidd am 13:00.

Mae Heddlu Dyfed-Powys yn disgwyl nifer o bobl i fynychu ac o ganlyniad mae trefniadau parcio arbennig wedi eu cyflwyno.