Mae Arlywydd Ffrainc, Emmanuel Macron, wedi cyhoeddi bod newyddiadurwr o Ffrainc wedi ei ladd yn Wcráin. 

Fe wnaeth Mr Macron ddatgan bod Frédéric Leclerc-Imhoff yn y wlad er mwyn gohebu ar "realiti rhyfel" ger dinas ddwyreiniol Severodonetsk.

Dywedodd yr Arlywydd ar Twitter bod y newyddiadurwr ar "fws dyngarol gyda phobl y wlad a oedd yn ceisio dianc rhag bomiau Rwsiaidd cyn cael ei saethu yn farw." 

Journaliste, Frédéric Leclerc-Imhoff était en Ukraine pour montrer la réalité de la guerre. À bord d’un bus humanitaire, aux côtés de civils contraints de fuir pour échapper aux bombes russes, il a été mortellement touché.

— Emmanuel Macron (@EmmanuelMacron) May 30, 2022

Mae Severodonetsk yn ddinas hollbwysig wrth i luoedd Rwsia agosau at ei chyrion.

Mae Arlywydd Wcráin, Volodymyr Zelenskyy, eisioes wedi datgan bod ei wlad yn gwneud popeth o fewn ei gallu i atal Rwsia rhag hawlio'r ddinas.