Mae'r ffotograffydd Helen Titarenko wedi bod yn rhannu ei lluniau o’r rhyfel yn Wcráin gyda Newyddion S4C.

Yn byw yn ninas Zaporizhzhia mae ei lluniau’n dangos ymdrechion pobl y wlad i geisio amddiffyn eu gwlad yn sgil yr ymosodiadau parhaus gan Rwsia.

“Ar ôl deuddydd o wylio'r newyddion penderfynais nad oedd modd i mi eistedd adref mwyach,” eglurai Helen.

“Felly cymerais fy nghamera a mynd allan i dynnu lluniau o bobl wrth eu gwaith.

“Mae pawb yn ceisio gwneud rhywbeth oherwydd mae eistedd gartref yn eich gyrru'n wallgof.”

Image

“Mae grwpiau o bobl wedi bod yn gwneud 'hedgehogs' i warchod y ddinas a ffrwydradau Molotov Cocktails i'w defnyddio," meddai.

“Mae chwarel fawr yn y ddinas gyda llawer o dywod a dros y dyddiau diwethaf roedd 200 i 300 o ddynion yn cymryd y tywod i wneud bagiau tywod.”

Image

Image

Image

‘Optimistiaeth’

“Rydym yn llawn optimistiaeth. Efallai ei fod yn swnio'n rhyfedd iawn, ond rydym wedi blino o fod yn ofnus," ychwanegodd Helen.

“Rydym ni nawr yn un gymuned fawr sy'n gwneud rhywbeth gyda'n gilydd i amddiffyn, ac yn gwneud y gorau i amddiffyn ein gwlad.”

"Rydym yn llawn optimistiaeth" 💙💛

Mae Helen Titarenko yn byw yn Zaporizhzhia.

Mae'n dweud fod pobl Wcráin wedi dod ynghyd yn sgil ymosodiadau parhaus gan Rwsia. pic.twitter.com/tvBoq4TRFb

— Newyddion S4C (@NewyddionS4C) March 5, 2022

“O weld cymaint o bobl yn gwneud cymaint, yn rhoi arian, nwyddau ceir ac yn y blaen rwy'n credu yn ein pobl.”

Image

Image

“Mae'r sefyllfa hon wir wedi dangos pŵer go iawn bobl Wcráin.

“Mae’n rhyfedd, ond nawr rydyn ni'n agosach at ein gilydd nag erioed o'r blaen.”

Image