Mae 27 o fudwyr wedi boddi wrth groesi draw i'r DU mewn cwch 'dinghy' o Ffrainc ddydd Mercher yn ôl adroddiadau.

Yn ôl Sky News, cafodd nifer y rhai sydd wedi marw ei gadarnhau gan Weinidog dros Faterion Mewndirol Llywodraeth Ffrainc. 

Wrth siarad o Calais, dywedodd Gerald Darmanin roedd pump o fenywod ac un ferch ifanc ymysg y rhai fu farw.

Mae dau o bobl wedi'u hachub o'r dŵr wrth i awdurdodau Prydeinig a Ffrenig cyd-weithio yn yr ymgyrch chwilio ac achub. 

Mae Prif Weinidog Ffrainc, Jean Castex, wedi galw'r digwyddiad yn drychineb ar y cyfryngau cymdeithasol, gan anfon ei gydymdeimlad at y nifer fawr sydd ar goll neu wedi eu hanafu.

Fe wnaeth eu disgrifio fel "dioddefwyr smyglwyr troseddol sydd yn manteisio ar eu trallod."

Le naufrage survenu dans la Manche est une tragédie.
Mes pensées vont aux nombreux disparus et blessés, victimes de passeurs criminels qui exploitent leur détresse et leur misère.
Je suis la situation en temps réel.@GDarmanin se rend sur place.

— Jean Castex (@JeanCASTEX) November 24, 2021

Yn ôl awdurdodau Ffrenig, dyma'r nifer fwyaf o farwolaethau erioed yn ystod digwyddiad yn gysylltiedig o fudwyr yn ceisio croesi draw i'r DU.

Mae pedwar o bobl wedi'u harestion yn gysylltiedig â smyglo pobl yn anghyfreithlon. 

Dywedodd Prif Weinidog y DU, Boris Johnson ei fod "mewn sioc, wedi ei arswydo a'i dristáu" gan y digwyddiad.

I am shocked, appalled and deeply saddened by the loss of life at sea in the Channel.

My thoughts are with the victims and their families.

Now is the time for us all to step up, work together and do everything we can to stop these gangs who are getting away with murder. pic.twitter.com/D1LWeoIFIu

— Boris Johnson (@BorisJohnson) November 24, 2021

Mae Mr Johnson wedi cynnal cyfarfod brys gyda phwyllgor COBRA y DU mewn ymateb i'r digwyddiad.

Darllenwch y stori llawn yma.