Mae protestiadau yn erbyn rheolau coronafeirws yn Yr Iseldiroedd wedi troi'n ffyrnig am ail noson.

Roedd protestwyr yn gwrthwynebu mesurau newydd sydd wedi eu cyflwyno mewn ymateb i bedwaredd don y feirws sy'n effeithio ar nifer o wledydd ar gyfandir Ewrop.

Mae'r mesurau wedi eu cyflwyno am gyfnod o dair wythnos mewn ymdrech i arafu lledaeniad y feirws.

Mae Llywodraeth Yr Iseldiroedd yn cynllunio rhwystro pobl sydd heb gael eu brechu rhag mynychu rhai lleoliadau penodol.

Cafodd pum swyddog heddlu eu hanafu yn ninas Yr Hâg, gydag un ohonynt wedi derbyn anafiadau difrifol, yn ôl Al Jazeera.

Darllenwch y stori'n llawn yma.

Llun: Danny Kemp / AFP / Wochit