Mae streic gan bron i 400 o yrwyr bysiau Arriva Cymru oedd i fod i barhau am bum wythnos wedi ei gohirio.

Cyhoeddodd y cwmni fod y streic wedi dod i ben yn dilyn rhagor o drafodaethau gydag undeb Unite.

Dechreuodd y streic am 06.00 fore dydd Sul mewn ymgais gan y gyrwyr i gael codiad cyflog oedd yn gyfatebol i’r hyn sy'n cael ei roi i weithwyr yng ngogledd orllewin Lloegr.

Roedd gwahaniaeth cyflog o £1.81 yr awr yn bodoli rhwng gyrwyr Arriva Cymru a'u cydweithwyr yn Lloegr.

Dywedodd Swyddog Rhanbarthol Unite, Jo Goodchild: “Mae Unite yn atal y gweithredu ddiwydiannol yn erbyn Arriva yn dilyn cynnig tâl gwell gan y cyflogwr.

“Byddwn nawr yn gofyn i'n haelodau bleidleisio ar y cynnig newydd”.

Arriva Bus Services to resume in North Wales and Chester from tomorrow

Arriva can confirm that buses will resume in North Wales and Chester from tomorrow morning. The announcement comes following further talks with, Unite this week which led to a suspension of the strike. pic.twitter.com/oxcTDXBJEa

— Arriva Buses Wales (@arrivabuswales) November 18, 2021