Mae tân mawr yn cynnau ger safle hen burfa olew Murco yn Sir Benfro nos Lun. 

Mae'r tan ar safle Impala, a oedd yn arfer cael ei adnabod fel Puma Energy.

Yn ôl y cwmni, mae eu gweithwyr yn ddiogel. 

Mae Gwasanaeth Tân Canolbarth a Gorllewin Cymru wedi cyhoeddi datganiad yn nodi fod sawl criw yn ymateb i ddigwyddiad yng ngorllewin Robeston yn Aberdaugleddau.

"Osgowch yr ardal a cheisiwch ddod o hyd i lwybrau eraill ar gyfer eich taith, er mwyn sicrhau bod modd i gerbydau'r gwasanaethau brys gael mynediad i'r safle," meddai'r datganiad.   

Mae trigolion lleol hefyd yn cael eu cynghori i gadw eu ffenestri a drysau ynghau os oes mwg trwchus yn yr ardal.  

Mae Bwrdd Iechyd Prifysgol Hywel Dda hefyd yn cynghori pobl i osgoi'r ardal.