'Pryder cynyddol' am gerddwr 74 oed sydd ar goll yn Eryri
26/06/2026
Mae "pryder cynyddol" am gerddwr sydd ar goll yn Eryri ers bore dydd Iau, meddai Heddlu Gogledd Cymru.
Nid oes neb wedi gweld y dyn o'r enw Gregor, sy'n 74 oed, ers 10.15 y bore hwnnw pan barciodd ei gar yn Hostel Mynydd Eryri ger Bethesda.
Mae ymdrech chwilio aml-asiantaeth yn cael ei gynnal ar hyn o bryd.
Y gred yw ei fod wedi bwriadu mynd i gerdded yn ardal Carnedd y Filiast.
Mae'n caei ei ddisgrifio fel dyn pum troedfedd a 10 modfedd o daldra gyda gwallt byr cyrliog.
Mae'n bosib ei fod yn gwisgo crys-t gwyrdd a throwsus brown.
Mae'r heddlu yn apelio ar unrhyw un a welodd Gregor ddydd Iau neu fore Gwener i gysylltu gyda nhw ar unwaith.
Maen nhw hefyd yn gofyn i unrhyw un a oedd yn cerdded yn yr ardal, yn enwedig ar hyd Carnedd y Filiast, i wirio unrhyw luniau gafodd eu tynnu rhag ofn y gallai Gregor fod yn y cefndir.
Dylai unrhyw un sydd â gwybodaeth a allai gynorthwyo'r heddlu gysylltu gyda swyddogion gan ddyfynnu'r cyfeirnod 0100150.
