Bydd arweinwyr a chynrychiolwyr y pleidiau gwleidyddol mwyaf yn mynd benben â’i gilydd yn Y Ddadl Fawr ar S4C nos Iau.

Bethan Rhys Roberts fydd arwain y drafodaeth yn fyw o’r Egin yng Nghaerfyrddin am 20.00, bythefnos yn unig cyn etholiad y Senedd ar 7 Mai.

Fe fydd y ddadl yn cael ei chynnal o flaen cynulleidfa o 60 o aelodau o’r cyhoedd.

Yn cynrychioli’r pleidiau fe fydd:

• Helen Jenner o Reform UK 
• Jane Dodds o Ddemocratiaid Rhyddfrydol Cymru
• Rhun ap Iorwerth o Blaid Cymru
• Paul Davies o’r Ceidwadwyr Cymreig
• Eluned Morgan o Lafur Cymru
• Tessa Marshall o’r Blaid Werdd

Fe fydd y Ddadl Fawr yn cael ei ffrydio’n fyw ar sianel YouTube Newyddion S4C. 

Bydd cyfle hefyd ar ol y ddadl i glywed ymateb gohebwyr a sylwebwyr o’r Stafell Sbin.