Mae tri o blant yn eu harddegau wedi cael eu hanafu yn dilyn digwyddiad yng Nghasnewydd. 

Cafodd Heddlu Gwent eu galw i adroddiad o ymosodiad mewn coetir ger Graham Bell Close yn ardal Malpas, toc cyn 19:00 nos Wener.

Yn ôl y llu, aeth tri dyn at y plant, sef merch 14 oed a dau fachgen 14 a 15 oed, a'r gred yw bod un o'r dynion yn cario gwn aer.

Yn ôl adroddiadau, cafodd y tri phlentyn eu taro gan beled, ac mae honiadau i'r bachgen 14 oed ddioddef ymosodiad corfforol.     

Mae'r Heddlu'n apelio am wybodaeth.