Y diwrnod wedyn ar 19 Awst 2025, gwnaeth Makepeace nifer o alwadau i wahanol ffrindiau gan ddatgelu ei bod wedi trywanu Steven ac anfonodd nodyn llais at un person yn dweud, ‘Rydw i wedi llofruddio fy nghariad’.

Dywedodd yr Arolygydd Ditectif Simon Mills o Heddlu Sir Caer yn dilyn y ddedfryd: “Honnodd Makepeace ei bod wedi ceisio atal Steven rhag gadael y cyfeiriad gyda’r gyllell ac wrth ymgodymu ag ef, aeth y gyllell i mewn i’w frest ar ddamwain. 

"Ond, ni allai Makepeace egluro pam iddi fynd yn ôl i ogledd Cymru ar y trên ac aros am rai oriau cyn ffonio’r heddlu a dweud celwydd am bwy oedd hi.

“Trwy ein hymholiadau helaeth a threfnus, llwyddom i leoli Makepeace ym Macclesfield yn y dyddiau cyn llofruddiaeth Steven. 

"Yna, fe wnaethom ddilyn ei symudiadau cyn ac ar ôl marwolaeth Steven, a’i dangos yn gadael Macclesfield y bore wedyn wrth stopio i brynu melysion a fodca ar gyfer y daith yn ôl i ogledd Cymru. 

"Roedd y dystiolaeth yn llethol, ond plediodd yn ddieuog, gan roi teulu Steven trwy fwy o boen a gofid calon.

“Ni chredodd y rheithgor gelwyddau Makepeace ac mae hi nawr yn mynd i dalu’r pris am ei thrais creulon a’i thwyll."