Lori’n taro pont reilffordd ym Machynlleth

NS4C

Mae lori wedi taro pont reilffordd ym Machynlleth, gan achosi oedi i deithwyr.

Roedd yr A487 ym Machynlleth wedi ei chau i'r ddau gyfeiriad am rai oriau ddydd Mercher yn dilyn y digwyddiad.

Mae lluniau o’r digwyddiad yn dangos cefn lori godi wedi taro pont rheilffordd, gan achosi difrod i'r seilwaith.

Image
Lori Machynlleth
Fe gyhoeddodd Trafnidiaeth Cymru am ychydig wedi 08:30 bod cerbyd wedi taro'r bont. Llun: Trafnidiaeth Cymru

Mae Heddlu Dyfed Powys yn dweud bod y ffordd bellach wedi ail agor, gyda Thrafnidiaeth Cymru yn dweud bod peirianwyr yn asesu'r difrod sydd wedi ei wneud i'r bont.