Ai dyma sut y bydd tref Porthcawl yn edrych yn y dyfodol?

Dyma'r cynlluniau mae Cyngor Sir Pen-y-bont wedi datgelu i'r cyhoedd.

Y bwriad yw adfywio tref glan mor sydd wedi gweld dyddiau gwell.

Gyda ffair adnabyddus Traeth Coney bellach wedi cau mae 'na angen i roi bywyd newydd i'r safle a'r buddsoddiad gwerth miliynau yn ol yr awdurdod lleol.

"Mae cyflwr yr adeiladau wedi dirywio dros y blynyddoedd.

"Mae nifer o adeiladau mawr wedi adfeilio.

"Mae angen pwmpio llawer o arian mewn i'r ardal.

"Mae'r teulu sy wedi bod yn berchen ar y ffair am dros 100 mlynedd ddim moyn rhedeg y ffair rhagor.

"Dyw'r adnodd ddim yn cael ei ddefnyddio yn yr un ffordd ac mae angen newid."

I'r busnes bwyd a maeth yma sydd wedi agor safle ym Mhorthcawl mae'n gyfle i ddenu rhagor o bobl i'r dref.

"'Dan ni angen datblygu a dod a mwy o bethau 'ma i bobl weld ar social media a phopeth eraill.

"I nhw wario arian mewn lle fel hyn, mae angen datblygu e.

"Dw i'n credu bod y cynlluniau'n arbennig."

Dywed y cyngor sir fod miliynau'n cael ei fuddsoddi i drawsnewid yr ardal glan mor ym Mhorthcawl gan gynnwys y maes parcio di-nod yma fydd safle y lido newydd.

Tu ol i fi, dyma safle ffair adnabyddus Coney Beach.

Bydd hwnnw'n ddiflannu i roi le i adnoddau hamdden cyfleusterau i fusnesau a nifer o gartrefi.

Ond wedi blynyddoedd o addewidion a chyfaddawdu mae rhai'n credu bod hi'n hen bryd i'r cynlluniau yma weld golau dydd.

"Mae pobl o'r Rhyl a'r Barri'n dweud am y cynlluniau pam na gewn ni beth mae Porthcawl yn cael?

"Mae angen i ni sicrhau bod hwn yn digwydd.

"Mae pobl am wybod pryd ac eisiau mynd amdani.

"Maen nhw 'di aros digon ac mae'n amser i Borthcawl fynd i'r goleuni."

Dynluniadau sy'n dal y llygad ond i rai yn y sesiwn ymgynghori yma, mae 'na bryderon.

"Rwan, mae'r ffordd drwy'r dref yn llawn dop.

"Dydy'r siopau ddim ar gau.

"Mae'n fywiog trwy'r flwyddyn ac mae pobl yn dod i mewn.

"Tasen nhw ddim yn medru parcio, bydden nhw'n dod yma?

"Wn i ddim.

"Maen nhw'n cynllunio cael siopau newydd ar y promenade felly bydd siopau jyst yn symund o un lle i'r llall?"

I sawl un, mae Porthcawl yn dod ag atgofion melys o ddyddiau braf ar un o draethau poblogaidd de Cymru.

Cynnig yr un profiad dros y degawdau i ddod yw'r her nesaf.