Mae'r DU mewn "ras yn erbyn amser" i helpu dinasyddion ac Afghaniaid sydd wedi gweithio gyda Phrydain i ffoi o'r wlad.

Daw hyn ar ôl i arlywydd yr UDA ddweud bod rhaid cwblhau eu 'cynllun achub' o fewn 10 diwrnod.

Yn siarad mewn cynhadledd i'r wasg ddydd Gwener, awgrymodd Joe Biden y bydd ymdrechion byddin yr UDA i achub Americanwyr o'r wlad yn dod i ben erbyn diwedd y mis.

Mae'n debyg y bydd y DU yn dilyn yr un amserlen ar gyfer lluoedd arfog Prydain.

Milwyr yr UDA sydd yn arwain yr ymdrechion ffoi o Afghanistan, gyda degau o filoedd o bobl yn parhau i aros i gael eu hachub cyn 31 Awst, yn ôl Sky News.

Darllenwch y stori'n llawn yma.