Fe all teithwyr yn y brifddinas wynebu oedi ar y trenau yn dilyn problemau ar y rheilffyrdd yn sgil y “tywydd eithafol.” 

Dywedodd Trafnidiaeth Cymru y gallai pobl sydd yn teithio rhwng Grangetown a Chaerdydd Canolog wynebu oedi gan fod y tywydd poeth wedi creu problemau ar y trac. 

Mae’r tymheredd uchel wedi achosi problemau ger Caerdydd Canolog sydd wedi arwain at llinellau yn cael eu rhwystro. 

Dim ond 5 munud o oedi y dylai pobl wynebu yn sgil hynny, medd Trafnidiaeth Cymru. 

Dyw’r problemau ddim yn golygu y bydd yn rhaid canslo unrhyw drenau, ychwanegodd. 

Mae disgwyl i’r broblem para hyd at 16.30 ddydd Iau.