Bydd rhybudd tywydd melyn am fellt a tharanau mewn grym ar gyfer Gymru gyfan dros y penwythnos.

Mae'n dod i rym ar benwythnos prysur i wyliau yng Nghymru gan gynnwys Tafwyl yn y brifddinas.

Mae’r diweddariad yn golygu bod rhybudd melyn mewn grym mewn rhannau o Gymru ddydd Gwener, a Chymru gyfan ddydd Sadwrn.

Daw’r rhybuddion am dywydd garw ar benwythnos lle bydd gwyliau eraill gan gynnwys gŵyl Gottwood ar Ynys Môn, a Sioe Aberystwyth yng Ngheredigion hefyd yn cael eu cynnal.

Fe fydd y rhybudd tywydd ddydd Sadwrn yn ymestyn o hanner nos nes 18:00. Fe allai 60-80mm o law syrthio mewn rhai mannau.

Dywedodd llefarydd ar ran y Swyddfa Dywydd: “Bydd ardaloedd o law trwm a rhai stormydd mellt a tharanau yn symud tua'r gogledd ar draws ardaloedd o Loegr a Chymru yn gynnar ddydd Sadwrn.

Ar ôl i'r glaw symud i'r gogledd, mae'n debygol y daw cawodydd trwm a stormydd mellt a tharanau pellach yn ei sgil.

Mae Cyfoeth Naturiol Cymu wedi cyhoeddi rhybud llifogydd 'byddwch yn barod' ar gyfer afonydd Nant-y-fendrod a Nant Brân yn ardal Abertawe. 

Dydd Gwener

Bydd y rhybudd tywydd ddydd Gwener rhwng 18:00 a hanner nos ac yn effeithio ar y siroedd canlynol:

• Abertawe
• Blaenau Gwent
• Bro Morgannwg
• Caerdydd
• Caerffili
• Casnewydd
• Castell-nedd Port Talbot
• Ceredigion
• Conwy
• Gwynedd
• Merthyr Tudful
• Pen-y-bont ar Ogwr
• Powys
• Rhondda Cynon Taf
• Sir Benfro
• Sir Ddinbych
• Sir Fynwy
• Sir Gaerfyrddin
• Torfaen
• Wrecsam

Dydd Sadwrn

Bydd y rhybudd tywydd ddydd Sadwrn rhwng hanner nos a 18:00 ac yn effeithio ar Gymru gyfan:

• Abertawe
• Blaenau Gwent
• Bro Morgannwg
• Caerdydd
• Caerffili
• Casnewydd
• Castell-nedd Port Talbot
• Ceredigion
• Conwy
• Gwynedd
• Merthyr Tudful
• Pen-y-bont ar Ogwr
• Powys
• Rhondda Cynon Taf
• Sir Benfro
• Sir Ddinbych
• Sir Fynwy
• Sir Gaerfyrddin
• Sir y Fflint
• Torfaen
• Wrecsam
• Ynys Môn