Mae arweinydd Cyngor Sir Penfro, Jon Harvey, wedi cadarnhau y bydd yn ildio'r awenau ac na fydd yn cynnig ei enw fel arweinydd ym mis Mai.

Mae'r Cynghorydd Harvey wedi arwain y cyngor ers i'w ragflaenydd, y Cynghorydd David Simpson, gamu i lawr ym mis Mai 2024 ar ôl saith mlynedd yn y swydd.

Mae wedi arwain cabinet sydd yn cynnwys cynghorwyr Llafur, Democratiaid Rhyddrydol, Plaid a chynghorwyr heb ymrwymiad i unrhyw grŵp.

Fe fydd cynghorwyr yn cwrdd ar Fai 15fed i ethol arweinydd newydd.

Mae’r enwebiadau canlynol ar gyfer arweinydd wedi’u derbyn:

• Y Cynghorydd Di Clements, 
• Y Cynghorydd Tessa Hodgson
• Y Cynghorydd Anji Tinley