Mae person wedi cael ei anafu ar y cledrau yng ngorsaf Caerdydd Canolog.

Dywedodd Heddlu Trafnidiaeth Prydain fod swyddogion wedi cael eu galw wedi adroddiadau o berson wedi ei anafu ar y cledrau am 12:16.

Roedd swyddogion, ynghyd â'r gwasanaeth tân ac ambiwlans yn bresennol. 

Ychwanegodd y datganiad fod y person wedi cael ei gludo i'r ysbyty ble mae'n derbyn triniaeth am anafiadau a all newid bywyd. 

Nid yw'r digwyddiad yn cael ei drin fel un amheus ar hyn o bryd. 

Dywedodd Trafnidiaeth Cymru y bydd llai o drenau yn gallu pasio drwy'r orsaf yn sgil y digwyddiad.

Ychwanegodd y datganiad fod disgwyl i oedi a threnau gael eu canslo ar gyfer nifer o wasanaethau.

Maent yn cynghori teithwyr i wirio am y wybodaeth deithio ddiweddaraf cyn teithio.