Mae Tsieina a'r Unol Daleithiau wedi cytuno i dorri tariffau ar ei gilydd am gyfnod o 90 diwrnod.

Dywedodd Ysgrifennydd Trysorlys yr Unol Daleithiau, Scott Bessent, y bydd y ddwy wlad yn gostwng tariffau o 115%.

Mae'n golygu y bydd cyfradd tariffau'r Unol Daleithiau ar fewnforion Tsieineaidd yn disgyn i 30%.

Bydd Tsieina yn gostwng ei chyfradd tariffau ar fewnforion o'r Unol Daleithiau i 10%.

Mewn datganiad ar y cyd, dywedodd yr Unol Daleithiau a Tsieina y bydd y toriadau yn dechrau ar 14 Mai.

Daw’r cytundeb newydd ar ôl i’r ddwy wlad gynnal trafodaethau masnach yn Genefa dros y penwythnos.

Yn flaenorol roedd y ddwy wlad wedi cyflwyno tariffau o fwy na 100% ar gyfer ei gilydd.