Mae cyn faswr Iwerddon, Johnny Sexton, wedi’i enwi fel aelod o dîm hyfforddi Llewod Prydain ac Iwerddon ar gyfer taith yr haf i Awstralia.

Fe wnaeth Sexton, y person sydd wedi sgorio’r nifer fwyaf o bwyntiau dros Iwerddon, ymddeol o chwarae yn dilyn Cwpan y Byd yn 2023.

Mae wedi gweithio fel ymgynghorydd i dîm hyfforddi Iwerddon ers 2024.

Ac mae Prif Hyfforddwr y Llewod a thîm cenedlaethol Iwerddon, Andy Farrell, wedi penderfynu cynnwys y Gwyddel, sydd wedi chwarae mewn chwe phrawf dros y Llewod, ar gyfer y daith eleni.

Fe fydd y Llewod yn chwarae 10 gêm dros yr haf, gan gynnwys tri phrawf yn erbyn y Wallabies.

Ar ôl dwy flynedd heb fawr lwyddiant i dîm cenedlaethol Cymru, mae llawer yn rhagweld na fydd llawer o Gymry yn cael eu cynnwys yn y garfan eleni.

Llun: Asiantaeth Huw Evans